Actualitats
Mòrt sobda de Dolores O’Riordan, la votz de The Cranberries
A 46 ans, la cantadora irlandesa se trobava a Londres dins una sesilha d’enregistrament
La cantadora del grop irlandés The Cranberries, Dolores O’Riordan, moriguèt ièr sobde a 46 ans, çò raportava la television publica irlandesa, en tot precisar que O’Riordan se trobava a Londres dins una sesilha d’enregistrament.
Dolores Mary Eileen O’Riordan Burton nasquèt en 1971 a Luimneach (Irlanda) e foguèt la votz e l’imatge de la banda The Cranberries, coneguda internacionalament. Lo grop faguèt una parentèsi entre los ans 2003 e 2009.
Aguèt una enfança modèsta marcada per d’eveniments devastaires coma l’accident de mòto de son paire que lo paralisèt e l’incendi de son ostal familhal. Rapidament se tornèt devèrs l’escritura e la musica, al començament de musica sagrada, l’òrgue e lo piano. Fin finala la seduguèt la guitarra. Sa formacion classica se pòt remarcar dins son biais particular de cantar.
En 1989, jonguèt un grop que cercava una votz. Son audàcia e son engenh faguèron la diferéncia, e la banda, que s’apelava “The Cranberry Saw Us”, prenguèt lèu lo nom de “The Cranberries”. Ensems aqueriguèron una renommada internacionala amb la publicacion de cinc albums.
De soslinhar la cançon “Zombie”, facha en 1994, qu’obtenguèt una granda reputacion. Aquela cançon denonciava la situacion en Irlanda del Nòrd.
Dolores Mary Eileen O’Riordan Burton nasquèt en 1971 a Luimneach (Irlanda) e foguèt la votz e l’imatge de la banda The Cranberries, coneguda internacionalament. Lo grop faguèt una parentèsi entre los ans 2003 e 2009.
Aguèt una enfança modèsta marcada per d’eveniments devastaires coma l’accident de mòto de son paire que lo paralisèt e l’incendi de son ostal familhal. Rapidament se tornèt devèrs l’escritura e la musica, al començament de musica sagrada, l’òrgue e lo piano. Fin finala la seduguèt la guitarra. Sa formacion classica se pòt remarcar dins son biais particular de cantar.
En 1989, jonguèt un grop que cercava una votz. Son audàcia e son engenh faguèron la diferéncia, e la banda, que s’apelava “The Cranberry Saw Us”, prenguèt lèu lo nom de “The Cranberries”. Ensems aqueriguèron una renommada internacionala amb la publicacion de cinc albums.
Dolores O'Riordan has died at the age of 46, according to a statement from her publicist #DoloresORiordanpic.twitter.com/b5K31uS8yU
— Entertainment on RTÉ (@RTE_Ents) 15 de gener de 2018
De soslinhar la cançon “Zombie”, facha en 1994, qu’obtenguèt una granda reputacion. Aquela cançon denonciava la situacion en Irlanda del Nòrd.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Crese de saubre que ne'n i a dins lo Massiu "Centrau", en Lemosin en tots cas, sus lo planetge de Miuvachas, de las "canaberjas" o "avajons de grua" si voletz. Afen, crese ben que qu'es de las "canaberjas", dau mins, sabe que se pòt trobar de las ""mirtilhas"" (que 'pelan "maurelas" en Bas-Lemosin) blanchas, m'es 'vis que qu'es de las "canaberjas" (blanchas, pas rojas).
#1 Vaccinium oxycoccos, canneberge o atoka en quebequés (d’un nom mohawk).
A priori n’estant pas endemica n’a pas nat nom vernacular a noste.
Los catalans qu’an "nabiu de grua" qui sembla hòrt adequat : "naubion de grua" o "avajon de grua" ("myrtille de grue"), qui ei un calc de l’anglés "crane-berry". Que prava mei que mei en zòna subarctica e que neureish las gruas en estiu (e mei quasi tota la fauna pensi, predators comprés).
Cantaira, catolica, controversada en causa de sas posicions contra l'abòrtament e per la pena de mòrt.
La cançon Zombie fosquèt subjèct de polemica...
Mès bona musica...
Meravelhosa votz!
Cranberry es canneberge en francés. Cossi se ditz en occitan?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari